Khmer Son: 2011

Thursday, May 5, 2011

ការអះអាងរបស់ថៃ ទាក់ទិននឹងអ្នកសង្កេតការណ៍ឥណ្ឌូណេស៊ីនិងការបើកសវនាការរបស់តុលាការក្រុងឡាអេ

គេហទំព័រ MCOT របស់ថៃ ជាភាសាអង់គ្លេស នៅថ្ងៃទី៥ ឧសភា ផ្សាយឱ្យដឹងថា នាយករដ្ឋមន្ត្រីថៃ លោកអាប់ភីស៊ីត វ៉េចាជីវ៉ា កាលពីថ្ងៃទី៥ ឧសភា នោះ បានថ្លែងអះអាងបញ្ជាក់សាជាថ្មីម្តងទៀតថា រដ្ឋាភិបាលរបស់លោកនឹងមិនផ្តល់សច្ចាប័នលើឯកសារសម្រាប់វត្តមានអ្នកសង្កេតការណ៍ឥណ្ឌូណេស៊ីនៅតំបន់មានជម្លោះព្រំដែនរវាងប្រទេសថៃ និងប្រទេសកម្ពុជាឡើយ ប្រសិនបើកម្ពុជានៅមិនទាន់កងទ័ពពីតំបន់នោះនៅឡើយ ។ លោកអាប់ភីស៊ីត បានបង្ហាញពីគោលជំហរបស់លោកជាថ្មីទាក់ទិនទៅនឹងបញ្ហាវត្តមានអ្នកសង្កេតការណ៍ឥណ្ឌូណេស៊ីនៅពេលដែលប្រទេសឥណ្ឌូណេស៊ីបច្ចុប្បន្នមានតួនាទីជាប្រធានអាស៊ានស្នើបញ្ជូនអ្នកសង្កេតការណ៍របស់ខ្លួនទៅកាន់តំបន់ព្រំដែនមានជម្លោះរវាងប្រទេសកម្ពុជា និងប្រទេសថៃ ក្រោយពីមានការប៉ះទង្គិចគ្នាដោយអាវុធម្តងហើយម្តងទៀត រវាងកងទ័ពប្រទេសទាំងពីរនៅតំបន់ព្រំដែន។

អនុមេដឹកនាំអង្គការអាល់កៃដាជំរុញអោយអ្នកកាន់សាសនាអ៊ីស្លាមកម្ទេចសហរដ្ឋអាមេរិកk

មេដឹកនាំកំពូលបន្ទាប់ពីអូសាម៉ា ប៊ីនឡាឌិន របស់អង្គការអាល់កៃដា គឺលោកអៃមែន អាល់ សាវ៉ារី បានបង្ហាញខ្លួនតាមខ្សែអាត់វីដេអូមួយ កាលពីថ្ងៃច័ន្ទ ដោយជំរុញអោយអ្នកកាន់សាសនាអ៊ីស្លាម នៅជុំវិញពិភពលោក ក្រោកឡើងប្រយុទ្ធប្រឆាំងជាមួយអង្គការណាតូ និងសហរដ្ឋអាមេរិក ដែលកំពុងឈ្លានពាន និងវាយប្រហារយកប្រេងឥន្ធនៈក្នុងប្រទេសលីប៊ី។

ទីប្រឹក្សាលោក អូបាម៉ា ខ្វែងគំនិតគ្នាលើប្រតិបត្តិការវាយឆ្មក់សម្លាប់ ប៊ីនឡាដិន

វ៉ាស៊ីនតោន៖ ប្រធានាធិបតីអាមេរិក បារ៉ាក់ អូបាម៉ា បានរៀបចំនូវកិច្ចប្រជុំដ៏សំខាន់មួយកាលពីសប្តាហ៍មុន ដែលនៅក្នុងកិច្ចប្រជុំនោះ ទីប្រឹក្សារបស់លោកបានពិភាក្សាគ្នាអំពីជម្រើស ៣ សម្រាប់ដោះស្រាយព័ត៌មានសម្ងាត់បំផុត ស្តីពីគេហដ្ឋានដ៏ទំនើបមួយកន្លែងនៅក្នុងប្រទេសប៉ាគីស្ថាន ជាទីដែលពួកគេគិតថា អូសាម៉ា ប៊ីនឡាដិន អាចកំពុងលាក់ខ្លួននៅទីនោះ។

ប្រមុខអាល់កៃដា ត្រូវសម្លាប់ អាល់កៃដា អត្ថិភាពជាមួយច្រើនក្រុម

· អូសាម៉ា ប៊ិន ឡាឌីន ត្រូវបានសម្លាប់ និងទម្លាក់សពក្នុងសមុទ្រ

· ប្រតិកម្មពីពិភពអ៊ីស្លាម និងព័ត៌មានចម្រូងចម្រាស

· សម្ព័ន្ធមិត្តគ្មានទំនុកចិត្ត? ការវិវត្តន៍នៃទំនាក់ទំនងប៉ាគីស្ថាន-សហរដ្ឋអាមេរិក

· អាល់កៃអ៊ីដា ក្រោយ អូសាម៉ា ប៊ិន ឡាឌិន និងការចាំបាច់កែសំរួលគោលនយោបាយ

ថ្ងៃ ១១ កញ្ញា ២០០១ ឈ្មោះ អូសាម៉ា ប៊ិន ឡាឌីន ស្រាប់តែមានភាពល្បីល្បាញ សឹងតែអ្នកណាក៏ស្គាល់ហូរហែមក ដោយសារព័ត៌មានលោកខាងលិចជាពិសេស លើកមករៀបរាប់ថាជាប្រមុខនៃអង្គការអ៊ីស្លាម អាល់កៃអ៊ីដា ដែលសហរដ្ឋអាមេរិកកំណត់ថា កាលពីថ្ងៃនោះ បានធ្វើសកម្មភាពភេរវកម្មប្លន់ពង្វាងផ្លូវយន្តហោះពាណិជ្ជកម្ម និងវាយលុកអត្តឃាតទៅលើបេះដូងសេដ្ឋកិច្ចរបស់សហរដ្ឋអាមេរិក និងពិភពលោកនៅទីក្រុងញូយ៉ក។ ជិត ១០ ឆ្នាំក្រោយ ថ្ងៃ ០២ ឧសភា ២០១១ អូសាម៉ា ប៊ិន ឡាឌីន ដដែល ត្រូវបានសហរដ្ឋអាមេរិកប្រកាសថាបានបាញ់អោយស្លាប់ក្នុងប្រតិបត្តិការមួយលើទឹកដីប៉ាគីស្ថាន។

មេបញ្ជាការកងទ័ពថ្នាក់តំបន់កម្ពុជា-សៀមជួបពិភាក្សាព្រមព្រៀង៣ចំណុចទៀត

រាជធានីភ្នំពេញ ៖ កងយោធពលខេមរភូមិន្ទ ស្វាគមន៍ចំពោះជំនួបពិភាក្សារវាងលោកវរសេនីយ៍ឯកនាក់ វង្ស មេបញ្ជាការរង និងជានាយសេនាធិការកងពលតូចថ្មើរជើងលេខ៤២ កម្ពុជា ជាមួយលោកឌុល យ៉ាដេត មេបញ្ជាការវរសេនាធំឈុតខ្មៅថៃ នៅច្រកអូរស្មាច់ ដែលលទ្ធផលនៃកិច្ចពិភាក្សារវាងភាគីទាំង២នេះបានឯកភាពលើ៣ចំណុច ៖ ឈប់បាញ់គ្នា (១) មិនចល័តទ័ព (២) សន្យាថា នឹងជួបគ្នា២ថ្ងៃម្តងតាមទូរស័ព្ទ ឬដោយផ្ទាល់ (៣) ។

រាជធានីភ្នំពេញ ៖ អ្នកនាំពាក្យក្រសួងការពារជាតិមានការខកចិត្ត និងសោកស្តាយជាពន់ពេក ចំពោះការចល័តទ័ព និងការវាយប្រហារដោយកាំភ្លើងត្បាល់របស់ទាហានថៃ មកលើទីតាំងកងយោធពលខេមរភូមិន្ទនៅតំបន់ប្រាសាទតាក្របី ក្នុងស្រុកបន្ទាយអំពិល ខេត្តឧត្តរមានជ័យ ដែលបានចាប់ផ្តើមពីម៉ោង២០និង៣០នាទីយប់ថ្ងៃទី២៨ មេសា ២០១១ រហូតដល់ម៉ោង៦ព្រឹកថ្ងៃទី២៩ មេសា ២០១១។

រាជធានីភ្នំពេញ ៖ ដោយកំណត់ទូតក្រសួងការបរទេសចំនួន២ចុះថ្ងៃទី២៦ មេសា ២០១១ និងមួយទៀតចុះថ្ងៃទី២៧ មេសា ២០១១ មានកិត្តិយសសូមទាញការយកចិត្តទុកដាក់របស់ស្ថានឯកអគ្គរាជទូតថៃប្រចាំនៅភ្នំពេញ ចំពោះការបន្តរំលោភបូរណភាពទឹកដីកម្ពុជា ដោយកម្លាំងប្រដាប់អាវុធប្រទេសថៃ ដែលបានចាប់ផ្តើមឡើងវិញជាថ្មីទៀតនៅល្ងាចថ្ងៃទី២៧ មេសា ២០១១ ដូចតទៅ ៖

ផែនទីថៃគូសជាឯកតោភាគី

រាជធានីភ្នំពេញ ៖ កាលពីថ្ងៃទី២៦ មេសា ២០១១ លោកស៊ុវីត ឃុនគិទី រដ្ឋមន្ត្រីបរិស្ថាន និងធនធានធម្មជាតិថៃ បានលើកឡើងថា «អង្គ ការយូណេស្កូគួរតែទទួលខុសត្រូវ ពីព្រោះការចុះ បញ្ជីប្រាសាទព្រះវិហារជាបេតិកភណ្ឌពិភពលោក បានបណ្តាលឱ្យមានការប៉ះទង្គិចគ្នានៅតាមព្រំដែនកម្ពុជា-ថៃ»។

រថយន្តរបស់មេទ័ពសៀម

ភ្នំពេញ: យោងតាមអក្នពាក្យអង្គភាព ព័ត៌មាន និងប្រតិកម្មរហ័ស របស់ទីស្តីការគណៈរដ្ឋមន្ត្រីបានផ្សាយឲ្យដឹងថា កិច្ចចរចាទ្វេភាគីដែល គ្មានខ្លឹមសារ ត្រូវបានបង្ហាញជាថ្មីទៀតនៅយប់ថ្ងៃទី ២៨ ខែមេសា ក្រោយពី១២ម៉ោងនៃកិច្ចព្រមព្រៀងឈប់បាញ់ដែលធ្វើឡើងរវាងមេទ័ព នៃប្រទេសទាំងពីរ ។

«មិនដល់ ១២ ម៉ោងក្រោយមកផង នៅពាក់កណ្តាលយប់ យោធាថៃបានធ្វើការវាយប្រហាសារជាថ្មីម្តងទៀត ហើយ ការវាយប្រយុទ្ធគ្នាបានបន្តរហូតដល់ព្រឹកថ្ងៃបន្ទាប់»។

លោកកាស៊ីតទៅជួបប្រធានអាស៊ាននិយាយរឿងជម្លោះព្រំដែន

ភ្នំពេញ៖ សេចក្តីរាយការណ៍របស់ទីភ្នាក់ងារព័ត៌មានរ៉យទ័រ បានឲ្យដឹងថា ប្រមុខការទូតថៃលោក កាស៊ីត ភិរម បានជួបប្រជុំជាមួយរដ្ឋមន្ត្រីការបរទេសឥណ្ឌូនេស៊ី នៅថ្ងៃព្រហស្បតិ៍នេះ នៅទីក្រុងហ្សាការតា ដើម្បីអំពីជម្លោះព្រំដែនរវាងប្រទេសរបស់លោក ជាមួយនឹងកម្ពុជា។

សម្តេចអគ្គមហាពញាចក្រី ហេង សំរិន បានអនុញ្ញាតឲ្យលោកអ៊ូ ចូលទុនអូន ឯកអគ្គរដ្ឋទូតនៃសហភាពមីយ៉ាន់ម៉ា ចូលជួបសម្ដែងការគួរសម និងធ្វើសវនាការនៅវិមានរដ្ឋសភា

រាជធានីភ្នំពេញ ៖ កាលពីវេលាម៉ោង៩ព្រឹក ថ្ងៃទី២៨ មេសា ឆ្នាំ២០១១ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឲ្យលោកអ៊ូ ចូលទុនអូន ឯកអគ្គរដ្ឋទូតនៃសហភាពមីយ៉ាន់ម៉ា ចូលជួបសម្ដែងការគួរសម និងធ្វើសវនាការនៅវិមានរដ្ឋសភា បន្ទាប់ពីលោកត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃសហភាពមីយ៉ាន់ម៉ាប្រចាំព្រះរាជាណាចក្រកម្ពុជា កាលពីថ្ងៃទី២២ មីនា ឆ្នាំ២០១១ កន្លងមក។

រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិកម្ពុជាចេញផ្សាយនៅវេលាម៉ោង២រសៀលនេះបានបង្ហាញថា វេលាម៉ោង១០និង៣០នាទីរហូតដល់ម៉ោង១២និង១៥នាទីថ្ងៃទី២៨ មេសា ២០១១ នេះ ជំនួបចរចានៅច្រកអូរស្មាច់ លោកឧត្តមសេនីយ៍ទោជា ម៉ន មេបញ្ជាការយោធភូមិភាគ៤កម្ពុជា ជាមួយលោកឧត្តមសេនីយ៍សុវត្ថិឆៃ សាមុតសាខន មេបញ្ជាការភូមិភាគ២របស់ថៃ និងលោកឧត្តមសេនីយ៍វ៉ា វ៉ាលីត មេបញ្ជាការកងពលថ្មើរជើរលេខ៦ថៃ។

សហរដ្ឋអាមេរិកកាលពីថ្ងៃទី២៨ មេសា បានទទូចដល់ប្រទេសថៃ និងប្រទេសកម្ពុជា ឱ្យអត់ធ្មត់ចំពោះគ្នាទៅវិញទៅមក ក្រោយពីការប៉ះទង្គិចគ្នាដោយអាវុធជាថ្មីរវាងកងទ័ពប្រទេសទាំង២នៅតំបន់ព្រំដែនរយៈពេល៧ថ្ងៃជាប់ៗគ្នា បណ្តាលឱ្យស្លាប់ទាហានទាំងសងខាងជាច្រើននាក់ ហើយបានទទូចដល់ប្រទេសទាំង២ឱ្យដោះស្រាយជម្លោះព្រំដែនតាមរយៈការចរចាដោយសន្តិវិធី ។

ការទទូចនេះរបស់សហរដ្ឋអាមេរិកត្រូវបានលើកឡើងដោយឯកអគ្គរដ្ឋទូតអាមេរិកប្រចាំប្រទេសថៃ លោកស្រី Kristie Anne Kenney នៅពេលលោកជំទាវជួបសម្តែងការគួរសមជាមួយនាយករដ្ឋមន្ត្រីថៃ លោកអាប់ភីស៊ីត វ៉េចាជីវ៉ា នៅវិមានរដ្ឋាភិបាលក្នុងទីក្រុងបាងកក ។

ផ្ទះឆេះនៅស៊ីសាកេត ទឹកដីថៃ

ឧត្តរមានជ័យ ៖ ស្នូរកាំភ្លើងវាយប្រយុទ្ធគ្នារវាងកងទាហានកម្ពុជា និងកងទាហានសៀមដែលធ្លាប់តែលាន់ឮកក្រើកព្រៃពេញសមរភូមិរយៈពេល៧ថ្ងៃមកហើយនេះ បានស្ងប់ស្ងាត់មែនទែនហើយ ចាប់ពីវេលាម៉ោង១១ព្រឹកថ្ងៃទី២៨ មេសា ២០១១ បន្ទាប់ពីមានជំនួបចរចាស្វែងរកការឈប់បាញ់រវាងមេទ័ពភូមិភាគរបស់កម្ពុជា និងសៀមរួចមក ។

ទូរទស្សន៍អាល់អារ៉ាប៊ីយ៉ា រាយការណ៍កាលពីថ្ងៃទី២៧ មេសា ថា សហភាពអាហ្វ្រិកបានអំពាវនាវដល់អូតង់ឱ្យបញ្ចប់ការវាយប្រហារតាមអាកាសដែលសំដៅលើបណ្តាមេដឹកនាំលីប៊ី បន្ទាប់ពីការវាយឆ្មក់កាលពីថ្ងៃទី២៥ មេសា កន្លងមកនេះ លើការិយាល័យរបស់មេដឹកនាំលីប៊ី លោកមូអាម៉ា កាដាហ្វីនៅក្រុងទ្រីប៉ូលីមក ។

ឧត្តរមានជ័យ៖ ប្រភពពីមន្ត្រីយោធាកម្ពុជា បានឲ្យដឹងថា មេទ័ពកម្ពុជា និងថៃ នៅសមរភូមិទិសខេត្តឧត្តរមានជ័យ កំពុងជួបចរចាគ្នា ដើម្បីស្តារឡើងវិញនូវសន្តិភាពនៅក្នុងតំបន់ព្រំដែន បន្ទាប់ពីភាគីទាំងពីរបានវាយប្រយុទ្ធគ្នាយ៉ាងក្រពុលមុខឈានដល់ថ្ងៃទី៧នេះ។

ភ្នំពេញ៖ សេចក្តីរាយការណ៍របស់ទីភ្នាក់ងារព័ត៌មានរ៉យទ័រ បានឲ្យដឹងថា ប្រទេសថៃបានបង្កើនការបញ្ជូនទ័ពបន្ថែមទៀតចូលមកកាន់តំបន់ព្រំ ដែនមានជម្លោះជាមួយកម្ពុជា បន្ទាប់ពីទាហានកម្ពុជា និងថៃ បានវាយប្រយុទ្ធគ្នាក្នុងទ្រង់ទ្រាយធំអស់រយៈពេល ១សប្តាហ៍ ដោយមានការផ្លោងកាំភ្លើងធំដាក់គ្នាទៅវិញទៅមក។

ឧត្តរមានជ័យ ៖ ការវាយប្រយុទ្ធគ្នាបានចាប់ផ្តើមយ៉ាងគំហុកជាបន្តទៀត មុនពេលអរុណរះរវាងកងទាហានកម្ពុជា និងកងទាហានសៀមកាលពីវេលាម៉ោង៣និង៣០នាទីរំលងអធ្រាត្រចេញពីតំបន់ប្រាសាទតាក្របី ឆ្ពោះទៅតំបន់ប្រាសាទតាមាន់ធំ នៅវេលាម៉ោង៥និង២០នាទីភ្លឺថ្ងៃទី២៨ មេសា ២០១១ ដែលមកដល់ពេលនេះគឺជាថ្ងៃទី៧ហើយនៃការប្រយុទ្ធគ្នាដ៏ស្វិតស្វាញជាប់ៗគ្នា ។

អំពើឈ្លានពានរបស់ថៃបាន និងកំពុងផ្គើននឹងការអំពាវនាវឱ្យឈប់បាញ់ជាអចិន្ដ្រៃយ៍ របស់ក្រុមប្រឹក្សាសន្ដិសុខសហប្រជាជាតិ និងអាស៊ាន ។ នេះជាការបរិយាយមួយរបស់លោកឡុង សុគុណ អ្នកស្រាវជ្រាវរឿងក្ដីប្រាសាទព្រះវិហារក្នុងសាលដីកាតុលាការយុត្ដិធម៌អន្ដរជាតិថ្ងៃទី១៥ មិថុនា ១៩៦២ ។

លោកបានកត់សម្គាល់ថា អំពើឈ្លានពានរបស់ថៃក្នុងរយៈពេល៥ថ្ងៃចាប់ពីថ្ងៃទី២២ ដល់ថ្ងៃទី២៦ មេសា ឆ្នាំ២០១១ បាននិងកំពុងរាលដាលតាមបណ្ដោយព្រំដែនរវាងប្រទេសទាំងពីរហួសពីតំបន់ប្រាសាទព្រះវិហារហើយ ។

រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា សូមបណ្តាបក្សនយោបាយនានា អង្គការក្រៅរដ្ឋាភិបាលនិងមជ្ឈដ្ឋាននានាត្រូវបែងចែកគ្នាឱ្យដាច់ ។ ក្របខណ្ឌតំបន់ប្រាសាទព្រះវិហារ ចូលក្នុងក្របខណ្ឌក្រុមប្រឹក្សាសន្តិសុខអង្គការសហប្រជាជាតិ និងអាស៊ានហើយ ។ ដូច្នេះការចរចាណាមួយទាក់ទងនឹងបញ្ហាជម្លោះនៅតំបន់ប្រាសាទព្រះវិហារ យើងត្រូវតែគោរពតួនាទីប្រធានអាស៊ាន ត្រូវតែមានការសម្របសម្រួលពីប្រធាន អាស៊ាន ។ បើមិនដូច្នេះទេវាមិនខុសពីកម្ពុជានិងថៃរួមគ្នាទះកំផ្លៀងអាស៊ានទេ... ព្រោះរឿងនេះបានចូលទៅក្នុងក្របខណ្ឌអាស៊ានហើយ ។

ឃ្លាំងលក់គ្រឿងបន្លាស់ និងគ្រឿងរថយន្តកាប់សាច់៣ឃ្លាំងជាប់ៗគ្នាត្រូវអគ្គីភ័យឆាបឆេះទាំងស្រុង

ភ្លើងកំពុងឆាបឆេះ

រាជធានីភ្នំពេញ ៖ ឃ្លាំងលក់គ្រឿងបន្លាស់រថយន្ត និងទិញ-លក់រថយន្តកាប់សាច់៣ឃ្លាំងជាប់ៗគ្នាត្រូវអគ្គីភ័យឆាបឆេះ យ៉ាងសន្ធោសន្ធៅបង្កឱ្យមានការភ្ញាក់ផ្អើលយ៉ាងខ្លាំង ហើយញ៉ាំងឱ្យលឺសំឡេងរញៀវខ្ញៀវខ្ញារប្រកូកប្រកាសនូវពាក្យជួយ ផងៗ‌! ឡូកឡំជាមួយនឹងសំឡេងរថយន្តពន្លត់អគ្គីភ័យរបស់សមត្ថកិច្ច ស៊ីរ៉ែនលាន់រន្ថើនគួរឱ្យតក់ស្លុតកាលពីវេលាម៉ោង៧និង១៥នាទីយប់ ថ្ងៃទី២៧ មេសា ២០១១ លើអគារឃ្លាំងដែលមានយីហោលេខ៩៩ ស្ថិតក្នុងដីឡូលេខ១៧ ABC ផ្លូវលេខ២២៣ កែងផ្លូវលេខ១៦២ សង្កាត់ផ្សារដេប៉ូទី១ ខណ្ឌទួលគោក ។

ប្រជាជនកម្ពុជាភៀសខ្លួនពីតំបន់ជំលោះមកស្នាក់នៅវត្ត

ភ្នំពេញ៖ ប្រទេសកម្ពុជា បានចាត់ទុកការវាយប្រហាររបស់ទាហានថៃមកលើទឹកដីរបស់ខ្លួន ជាឧក្រិដ្ឋកម្មសង្រ្គាមប្រឆាំងមនុស្សជាតិ ដែលបានបង្ខំឲ្យមនុស្សជាង ៣ម៉ឺននាក់ ភៀសខ្លួនចេញលំនៅដ្ឋានរបស់ពួកគេ។

រដ្ឋាភិបាលកម្ពុជា តាមរយៈអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បាននិយាយថា៖ «ការបាញ់ផ្លោងរបស់ថៃមកលើកម្ពុជា ដោយអមនុស្សធម៌ និងមិនរើសទិសដៅ គឺគ្មានអ្វីក្រៅតែពីឧក្រិដ្ឋកម្មសង្គ្រាមប្រឆាំងមនុស្សជាតិ»។

រថពាសដែកសៀមបញ្ចូនទៅកាន់ព្រំដែន

ព្រះវិហារ៖ មន្ត្រីយោធាកម្ពុជាប្រចាំនៅព្រំដែនជួរមុខក្នុងខេត្តព្រះវិហារ បានឲ្យដឹងថា មីនមួយគ្រាប់បានផ្ទុះនៅវេលាម៉ោង ៥:១០នាទីល្ងាចនេះ នៅចំណុចវាលឥន្ទ្រីយ៍ ជិតប្រាសាទព្រះវិហារចំណាស់ ៩០០ឆ្នាំរបស់កម្ពុជា ខណៈស្នូរកាំភ្លើងគ្រប់ធុននៅតំបន់ប្រាសាទតាមាន់ និងតាក្របី បានស្ងប់ស្ងាត់ហើយមកដល់ល្ងាចនេះ។

ឡានពេទ្យដឹកទាហានកម្ពុជារបួស

ឧត្តរមានជ័យ ៖ យោងតាមតួលេខជាជំហានៗពីមន្ត្រីយោធាដែលឈរជើងនៅខ្សែត្រៀមជួរមុខបានឱ្យដឹងថា ការប្រយុទ្ធគ្នារយៈពេល៤ថ្ងៃនៅសមរភូមិប្រាសាទតាក្របី និងសមរភូមិប្រាសាទតាមាន់ធំ ទាហានសៀមស្លាប់កើនដល់២៦នាក់ និងរបួសជាង៤០នាក់ ចំណែកទាហានកម្ពុជាស្លាប់៧នាក់ និងរបួស១០នាក់ ប៉ុន្តែមកដល់រសៀលថ្ងៃទី២៦ មេសា ២០១១ ខណៈទាហានកម្ពុជាបានបាញ់កាំភ្លើងធុនធ្ងន់តបវិញ ជាពិសេសកាំជ្រួច BM-21 នោះ បណ្តាលឱ្យទាហានសៀមស្លាប់ និងរបួសច្រើនរយនាក់ ចោលខ្មោចពាសវាល ពាសកាលពេញព្រៃ...។

ទីភ្នាក់ងារសារព័ត៌មាន INTERFAX របស់រុស្ស៊ី រាយការណ៍ថា កងនាវាចរណ៍ភាគខាងជើងរបស់រុស្ស៊ី កាលពីថ្ងៃទី២៦ មេសា បាន បាញ់សាកល្បងប្រកបដោយជោគជ័យនូវមីស៊ីលបាលីស្ទីកអន្តរទ្វីបថ្មីឈ្មោះ SINEVA ចេញពីនាវាមុជទឹកប្រើថាមពលនុយក្លេអ៊ែរយុទ្ធសាស្ត្រ IEKATERINBOURG ក្នុងសមុទ្របារ៉ែន ។

កងកម្លាំងដែលមានភក្តីភាពចំពោះមេដឹកនាំផ្តាច់ការលីប៊ី លោកមូអាម៉ា កាដាហ្វី កាលពីថ្ងៃទី២៦ មេសា កន្លងមក បានបើកការវាយប្រហារប្រឆាំងកំពង់ផែដ៏សំខាន់នៅក្នុងទីក្រុងមីស្ត្រាតា ដែលត្រូវឡោមព័ទ្ធរបស់លីប៊ី ។ ការវាយប្រហារនោះធ្វើឡើងដោយគ្រាប់រ៉ុក្កែត បណ្តាលឱ្យរបួសជនភៀសខ្លួនជាច្រើននាក់ និងបង្ខំឱ្យនាវាដឹកជំនួយមនុស្សធម៌ចេញទៅកណ្តាលសមុទ្រ។

ឧត្តរមានជ័យ ៖ ការវាយប្រយុទ្ធគ្នាដោយអាវុធធុនធ្ងន់ និងស្រាល រវាងកងទ័ពកម្ពុជា និងសៀម នៅតំបន់ប្រាសាទតាក្របី និងតំបន់ប្រាសាទតាមាន់ធំ បានអូសបន្លាយតាំងពីរសៀលថ្ងៃទី២៦ មេសា ២០១១ រហូតដល់ព្រឹកម៉ោងជាង៦ថ្ងៃទី២៧ មេសា ២០១១ គេនៅឮស្នូរគ្រាប់ផ្លោងនិងកាំភ្លើងដៃនៅឡើយ ប៉ុន្តែចូលដល់ម៉ោង៨ព្រឹកថ្ងៃដដែលនេះឃើញថា គ្រាប់កាំភ្លើងហាក់ស្ងាត់បន្តិចវិញ ។

តាមប្រភពព័ត៌មានពីបណ្តាញផ្សព្វផ្សាយផ្សេងៗរបស់ថៃបានឱ្យដឹងថា រដ្ឋមន្ត្រីការពារជាតិថៃ លោកប្រាវីត វង្សសូវ៉ាន់ បានលុបចោលដំណើរមកចរចាលើបទឈប់បាញ់ជាមួយលោកឧបនាយករដ្ឋមន្ត្រីទៀ បាញ់ នៅរាជធានីភ្នំពេញវិញហើយ ដែលតាមគម្រោងនឹងត្រូវធ្វើនៅថ្ងៃពុធនេះ ។

USA ៖សេតវិមាននិយាយថា ប្រធានាធិបតីអាមេរិក លោកបារ៉ាក់ អូបាម៉ា កាលពីថ្ងៃទី២៦ មេសា កន្លងមក បានសម្រេចអនុម័តផ្តល់ជំនួយ២៥លានដុល្លារអាេមរិក ទៅឱ្យក្រុមប្រឆាំងលីប៊ី។

ព្រះវិហារ ៖ ស្នូរកាំភ្លើងហាក់ស្ងាត់មែនទែន ហើយបន្ទាប់ពីមេទ័ពសៀមប្រចាំខ្សែត្រៀមទល់មុខគ្នានឹងទាហានកម្ពុជាបានសុំចរចាបញ្ឈប់ការផ្ទុះអាវុធដោយសារតែមានការយល់ច្រឡំពីសំឡេងផ្ទុះពីលើយន្តហោះ F-16 របស់សៀម ដែលហោះកាត់តំបន់ភ្នំទ្រព្យឆ្ពោះទៅកាន់ខ្សែបន្ទាត់ព្រំដែនខេត្តឧត្តរមានជ័យ ។ ការហោះហើរកាត់តំបន់ភ្នំទ្រព្យរបស់យន្តហោះសៀម F-16 លើកនេះ មិនខុសពីការហោះហើរកាត់ប្រាសាទតាក្របី ប្រាសាទតាមាន់ធំ កាលពីម្សិលមិញនោះទេ គឺបង្កសំឡេងផ្ទុះប៊ឹងៗដូចគ្នា...។

ឧត្តរមានជ័យ ៖ មកដល់វេលាម៉ោង៦ល្ងាចថ្ងៃទី២៦ មេសា ២០១១ ការវាយប្រយុទ្ធគ្នាដោយកាំភ្លើងធុនធ្ងន់ និងស្រាល នៅមិនទាន់ស្ងាត់សូរនៅឡើយទេ គឺ ការបាញ់មានការញ័ររង្គើខ្លាំងជាងកាលពីប៉ុន្មានថ្ងៃមុនទៅទៀត...។

អគ្គិសនីក្រុងសំរោងត្រូវបានកាត់ផ្តាច់ ខណៈថៃបន្តផ្លោងកាំភ្លើងធំដាក់កម្ពុជា

ឧត្តរមានជ័យ៖ពលរដ្ឋកម្ពុជានៅក្រុងសំរោង ខេត្តឧត្តរមានជ័យ បាននិយាយថា បណ្តាញអគ្គិសនីនៅក្នុងក្រុងមួយនេះ ត្រូវបានកាត់ផ្តាច់ទាំងស្រុងនៅល្ងាចម៉ោងប្រហែល ៦:៣០នាទីថ្ងៃអង្គារនេះខណៈទាហានថៃនៅបន្តផ្លោងគ្រាប់កាំភ្លើងធំយ៉ាងខ្លាំងក្លាចូលជ្រៅមកក្នុងទឹកដីកម្ពុជា។

គេនៅមិនទាន់បានដឹងពីមូលហេតុនៃការដាច់ចរន្តអគ្គិសនីនៅក្នុងខេត្តភាគពាយព្យនៃប្រទេសកម្ពុជានៅឡើយទេ ខណៈខេត្តនេះកំពុងស្ថិតនៅក្រោមការវាយប្រយុទ្ធគ្នារវាងទាហានកម្ពុជា និងថៃ អស់រយៈពេល ៥ថ្ងៃមកហើយ។

ឧត្តរមានជ័យ៖ ស្នូរអាវុធធុនចម្រុះ កំពុងតែលាន់ឮពាសពេញស្រុកបន្ទាយអំបិល នៃខេត្តឧត្តរមានជ័យ ដោយសារតែទាហានថៃបានបាញ់កាំភ្លើងធំប្រភេទ ១៥៥មីល្លីម៉ែត្រ ចូលមកជ្រៅក្នុងទឹកដីកម្ពុជា នៅក្នុងការវាយប្រហារដ៏បង្ហូរឈាមនៅវេលាម៉ោងជាង ៦ល្ងាចនេះ។

សាក្សីនៅកន្លែងកើតហេតុ បាននិយាយថា ស្នូរកាំភ្លើងធុនធំគ្រប់ប្រភេទបានផ្ទុះឡើងនៅឃុំគោកមន ស្រុកបន្ទាយអំបិល ដែលស្ថិតនៅជិតបំផុតនឹងកន្លែងមានការប្រយុទ្ធគ្នា។

ភ្នំពេញ៖ សេចក្តីប្រកាសព័ត៌មានរបស់ក្រសួងការពារជាតិកម្ពុជា បាននិយាយថា រដ្ឋមន្ត្រីការពារជាតិថៃ ប្រាវីត វង្សសុវណ្ណ បានស្នើសុំជួបចរចាជាមួយសមភាគីរបស់លោក គឺរដ្ឋមន្ត្រីការពារជាតិកម្ពុជា លោក ទៀ បាញ់ បន្ទាប់ពីប្រទេសទាំងពីរបានជាប់ផុងនៅក្នុងការប្រយុទ្ធគ្នាយ៉ាងបង្ហូរឈាមអស់រយៈពេល ៥ថ្ងៃមកនេះ។

បាងកក៖ សេចក្តីរាយការណ៍ព័ត៌មានរបស់កាសែតថៃ បានឲ្យដឹងថា នាយករដ្ឋមន្ត្រីថៃ អាភីស៊ីត វេចាជីវ៉ា នៅថ្ងៃអង្គារនេះ បានណែនាំឲ្យរដ្ឋមន្ត្រីរបស់ខ្លួនទាំងអស់សើរើឡើងវិញនូវទំនាក់ទំនងជាមួយរដ្ឋាភិបាលរាជធានីភ្នំពេញ នៅក្នុងគ្រប់វិស័យ បន្ទាប់ពីកើតមានការវាយប្រយុទ្ធគ្នាយ៉ាងបង្ហូរឈាមបំផុតនៅក្នុងរយៈពេល ៥ថ្ងៃមកនេះ រវាងប្រទេសទាំងពីរនេះ។

ក្រុមទាហានល្មោភសង្គ្រាមថៃចង់ចូលសមរភូមិប្រយុទ្ធ

បាងកក៖ សេចក្តីរាយការណ៍ព័ត៌មានរបស់កាសែតថា ក្រុមយោធាល្មោភសង្គ្រាមមួយកងធំរបស់ប្រទេសថៃ បានបង្ហាញចេតនាចូលប្រយុទ្ធ និងគាំទ្រចេតនាអាក្រក់របស់មេទ័ពថៃ ប្រយុទ្ធ ចាន់អូចា។

បាងកក ប៉ុស្តិ៍ រាយការណ៍ថា ទាហានល្មោភសង្គ្រាមថៃចំនួន ៧៤៥នាក់ មកពីកងវរសេនាតូចចំនួន ៣ នៃកងពលថ្មើជើងលេខ ២ បានចេញធ្វើបាតុកម្មនៅថ្ងៃអង្គារ ទី២៦ មេសានេះ ដើម្បីបង្ហាញអំនួតឆ្កួតលីលាដាក់កម្ពុជា និងគាំទ្រមេទ័ពល្មោភសង្គ្រាម ប្រាយុទ្ធ ចានអូចា។

កាំជ្រូចហ្វូងវិលមកដល់មូលដ្ឋានវិញក្រោយវាយប្រហារមួយប្រាវលើថៃ

ឧត្តរមានជ័យ៖ ប្រភពមន្ត្រីយោធាកម្ពុជាប្រចាំសមរភូមិ បានឲ្យដឹងថា កាំជ្រូចហ្វូងប្រភេទ BM21 ត្រូវបានទាហានកម្ពុជាវាយប្រហារយ៉ាងសន្ធាប់ទៅលើទាហានថៃ បន្ទាប់ពីប្រទេសកម្ពុជាបានអត់ធ្មត់អស់រយៈពេល ៤ថ្ងៃមកហើយ នៅក្នុងការវាយប្រយុទ្ធគ្នាដ៏បង្ហូរឈាមនាពេលចុងក្រោយនេះ។

ដំណើរវិវត្តន៍ចុងក្រោយនេះ បានបញ្ជាក់ថា នេះគឺជាវាយប្រយុទ្ធគ្នារវាងទាហាននៃប្រទេសទាំងពីរក្នុងទ្រង់ទ្រាយកាន់ធំជាងមុនទៅទៀត រហូតដល់កាំភ្លើងធំចម្រុះត្រូវបានប្រើប្រាស់ក្នុងសមរភូមិ។

Pages

Thursday, May 5, 2011

Wednesday, May 4, 2011

Tuesday, May 3, 2011

Friday, April 29, 2011

Thursday, April 28, 2011

Wednesday, April 27, 2011