 |
| រថយន្តរបស់មេទ័ពសៀម |
ភ្នំពេញ: យោងតាមអក្នពាក្យអង្គភាព ព័ត៌មាន និងប្រតិកម្មរហ័ស របស់ទីស្តីការគណៈរដ្ឋមន្ត្រីបានផ្សាយឲ្យដឹងថា កិច្ចចរចាទ្វេភាគីដែល គ្មានខ្លឹមសារ ត្រូវបានបង្ហាញជាថ្មីទៀតនៅយប់ថ្ងៃទី ២៨ ខែមេសា ក្រោយពី១២ម៉ោងនៃកិច្ចព្រមព្រៀងឈប់បាញ់ដែលធ្វើឡើងរវាងមេទ័ព នៃប្រទេសទាំងពីរ ។
«មិនដល់ ១២ ម៉ោងក្រោយមកផង នៅពាក់កណ្តាលយប់ យោធាថៃបានធ្វើការវាយប្រហាសារជាថ្មីម្តងទៀត ហើយ ការវាយប្រយុទ្ធគ្នាបានបន្តរហូតដល់ព្រឹកថ្ងៃបន្ទាប់»។
នៅថ្ងៃទី២៨ មេសានោះ មេបញ្ជាការយោធាកម្ពុជា និងមេបញ្ជាការយោធាថៃ នៅព្រំដែនបានជួបគ្នារយៈពេលជិតពីរម៉ោង ដោយបានឯកភាពឈប់បាញ់ និងរក្សាស្ថាន ទីតាំងឈរជើងរបស់យោធាឲ្យដដែល ដោយបញ្ឈប់រាល់ការដាក់ពង្រាយកងទ័ពឡើងវិញទាំងអស់ ។
កិច្ចចរចាទ្វេភាគីដោយដែលគ្មានភាពស្មោះត្រង់ នឹងគ្នាមិនអាចនាំឲ្យមានប្រយោជន៍ ក្នុងការដោះស្រាយភាពខ្វែងយោបល់គ្នារវាងប្រទេសជិតខាង ដែលចង់បានសន្តិភាពនោះទេ។
សេចក្តីប្រកាសព័ត៌មានបានលើកឡើងថា រដ្ឋាភិបាលថៃ មិនមានភាពស្មោះត្រង់ទេ ផ្ទុយទៅវិញបានព្យាយាមដណ្តើមយកទឹកដីកម្ពុជា ដោយកម្លាំងយោធា។ ការអំពាវនាវរបស់ខ្លួន ដើម្បីឲ្យមានការចរចាទ្វេភាគី ក្នុងគោលបំណង ដើម្បីបិទទ្វារមិនឲ្យមានសាក្សីពីខាងក្រៅ ហើយពន្យារពេលវេលា ដើម្បីបន្តឧក្រិដ្ឋកម្ម និងការឈ្លានពានរបស់ខ្លូន។
អ្នកនាំពាក្យរបស់ទីស្តីការគណៈរដ្ឋមន្ត្រី បាននិយាយនៅថ្ងៃព្រហស្បតិ៍ម្សិលមិញថា យោធាកម្ពុជា និងថៃ បានឯកភាពចំពោះបទឈប់បាញ់គ្នាមួយ ដើម្បីបញ្ចប់ការវាយប្រយុទ្ធគ្នាដ៏បង្ហូរឈាមរយៈពេល ៧ថ្ងៃមកនេះ នៅតាមព្រំដែនមានជម្លោះរបស់ពួកគេ បន្ទាប់ពីមានជំនួបមួយរបស់មេបញ្ជាការសមរភូមិ។
យ៉ាងហោចណាស់មនុស្ស ១៧នាក់ នៃភាគីទាំងសងខាង ត្រូវបានសម្លាប់នៅក្នុងការវាយប្រយុទ្ធគ្នាដ៏បង្ហូរឈាមនេះ ខណៈរាប់សិបនាក់ទៀតរងរបួស និងបង្ខំឲ្យពលរដ្ឋរាប់សិបពាន់នាក់នៃប្រទេសទាំងពីរ បានជម្លៀសចេញពីបរិវេណមានការប្រយុទ្ធគ្នា ទៅកាន់ជំរំសុវត្ថិភាព។
ទន្ទឹម នឹងការប្រយុទ្ធគ្នាដោយអាវុធធន់ធ្ងន់នេះ នៅព្រឹកថ្ងៃទី២៩ មេសា មានកូនចៅជនភៀសសឹកប្រមាណ ៣០នាក់ មកពីភូមិពង្រ ឃុំពង្រ ស្រុកចុងកាល់ ខេត្តឧត្តរមានជ័យ បានដួលសន្លប់បាត់ស្មារតីដោយសារចំហួលពីអាកាសធាតុក្តៅ និងមេឃភ្លៀងខ្លាំង។
យោងតាម ឪពុកម្តាយកុមាររងគ្រោះបានឲ្យភ្នំពេញ ប៉ុស្តិ៍ដឹងថា អាកាសធាតុប្រែប្រួល ការខ្វះចំណីអាហារដែលមានអាណាម័យ និងទឹកស្អាត។ នាំឲ្យ«ពួកគេ [ ក្មេងៗ ] បានសន្លប់ភ្លាមៗ ក្រោយពីពួកគេងូតទឹកភ្លៀង»។ ទោះជាយ៉ាងណាក៏ដោយ ក្រុមគ្រូសារបានបញ្ជូនកុមារទាំង ៣០ នាក់ទៅព្យាបាលនៅ មន្ទីរពេទ្យបង្អែក ខេត្តឧត្តរមានជ័យរួចរាល់ហើយ ប៉ុន្តែមិនទាន់ដឹងច្បាស់ពីស្ថានភាពកុមារទាំងនោះយ៉ាងណាទេ។
No comments:
Post a Comment